«Астон Вилла»нинг чап қанот ҳимоячиси Ян Матсеннинг «Манчестер Юнайтед»га ўтиш эҳтимоли юқори эмас.
«Қизил иблислар» трансфер ойнаси ёпилишидан олдин 24 ёшли нидерландиялик футболчини ўз сафига қўшиб олиш имкониятини кўриб чиқмоқда. Бироқ «Астон Вилла» Матсен билан хайрлашиш ниятида эмас.
Sky Sports маълумотига кўра, Бирмингем клуби футболчига янги шартнома таклиф қилишга тайёрланмоқда. Томонлар ўртасидаги музокаралар яқин вақт ичида бошланиши кутилмоқда.
Матсеннинг «Астон Вилла» билан амалдаги шартномаси 2030 йилга қадар мўлжалланган.
Нидерландиялик ҳимоячи 2024 йил ёзида «Челси»дан 44,5 миллион евро эвазига харид қилинган эди.
Transfermarkt портали «Челси» академияси тарбияланувчисининг ҳозирги бозор қийматини 30 миллион еврога баҳоламоқда.
