Таниқли италиялик инсайдер Фабрицио Романо «Милан» Омари Хатчинсонни ўз сафига қўшиб олишга жиддий киришганини тасдиқлади.
Унинг маълумотига кўра, томонлар келишувга деярли эришган ва Хатчинсон яқин орада Италия клуби футболчисига айланиши мумкин. Шу тариқа, у «Милан»да ҳамюрти Рубен Лофтус-Чик билан бирга тўп тепади.
«Россонери» сафида яна бир англиялик футболчи — Фикайо Томори ҳам бор. Бироқ ҳимоячининг яқин вақт ичида сотилиши ёки ижарага берилиши эҳтимоли юқори.
Pianeta Milan нашри Романога таяниб хабар беришича, Хатчинсон «Милан»га кейинчалик сотиб олиш ҳуқуқи билан ижара асосида ўтиши кутилмоқда.
Келишувнинг бошқа тафсилотлари трансфер расман эълон қилинганидан сўнг маълум бўлиши кутилмоқда.
