Taniqli italiyalik insayder Fabrisio Romano «Milan» Omari Xatchinsonni o‘z safiga qo‘shib olishga jiddiy kirishganini tasdiqladi.

Uning ma’lumotiga ko‘ra, tomonlar kelishuvga deyarli erishgan va Xatchinson yaqin orada Italiya klubi futbolchisiga aylanishi mumkin. Shu tariqa, u «Milan»da hamyurti Ruben Loftus-CHik bilan birga to‘p tepadi.

«Rossoneri» safida yana bir angliyalik futbolchi — Fikayo Tomori ham bor. Biroq himoyachining yaqin vaqt ichida sotilishi yoki ijaraga berilishi ehtimoli yuqori.

Pianeta Milan nashri Romanoga tayanib xabar berishicha, Xatchinson «Milan»ga keyinchalik sotib olish huquqi bilan ijara asosida o‘tishi kutilmoqda.

Kelishuvning boshqa tafsilotlari transfer rasman e’lon qilinganidan so‘ng ma’lum bo‘lishi kutilmoqda.