«Милан» ярим ҳимоячиси Алексис Салемакерс янги мавсумни муваффақиятли бошлади. Бельгиялик футболчи «Венеция»га қарши учрашувда иккита голли узатмани амалга оширди.
Унинг яхши ўйини Италия А Сериясининг бошқа клублари эътиборини ҳам тортмоқда. Pianetamilan.it нашри маълумотига кўра, «Аталанта» Салемакерс трансфери бўйича «Милан»га мурожаат қилган.
Бироқ «россонери» футболчи сотилмаслигини маълум қилиб, бергамоликларнинг таклифини рад этган.
Эслатиб ўтамиз, Салемакерс ўтган йилнинг декабрь ойида «Милан» билан шартномасини расман 2031 йилга қадар узайтирган эди.
Италия чемпионатининг кейинги турида «Милан» 6 сентябрь куни «Ювентус»га қарши майдонга тушади.
