«Интер Майами» ҳужумчиси Лионель Месси МЛС доирасида «Монреаль»га қарши 7:1 ҳисобида якунланган учрашувда покер қайд этди ва битта голли узатмани амалга оширди.

39 ёшли аргентиналик футболчи шу тариқа голли сериясини кетма-кет учта учрашувга етказди.

Мессининг самарали ҳаракат қайд этаётган серияси эса тўртта ўйинга чўзилди. У мазкур давр мобайнида 6 та гол уриб, 2 та голли узатмани амалга оширди.

Умуман олганда, Лионель Месси МЛСнинг жорий мавсумида 19 та учрашувда майдонга тушиб, 18 та гол ва 9 та голли узатмани ўз ҳисобига ёздириб қўйган.