«Атлетико» бош мураббийи Диего Симеоне ҳужумчи Хулиан Альвареснинг ҳозирги ҳолати ҳақида фикр билдирди.

26 ёшли аргентиналик футболчи руҳий ҳолати билан боғлиқ муаммолар сабаб Ла Лиганинг «Севилья»га қарши 3:1 ҳисобида якунланган учрашуви қайдномасига киритилмади.

Маълум бўлишича, Альварес «Барселона»га ўтишни истамоқда, бироқ «Атлетико» футболчини тўғридан-тўғри рақобатчисига сотиш ниятида эмас.

«У шахсий қийинчиликларга дуч келди. Аммо яна бир бор айтаман: спорт билан боғлиқ барча масалаларда унга ёрдам берамиз. У ҳам бизга ёрдам беради, чунки Хулиан — жуда юқори савияли футболчи.

Трансферлар? Ҳар қандай ҳолат юз бериши мумкин. Буни Альварес билан боғлиқ вазият туфайли айтаётганим йўқ. Футболда ҳамма нарса бўлади, аммо ҳозир бирор аниқ ҳолатни назарда тутмаяпман», — дея Симеоненинг сўзларини келтиради Atletico Universe.

Миш-мишларга кўра, мадридликлар Хулиан Альваресни «Арсенал»га 150 миллион евро эвазига сотишга тайёр. Бироқ футболчининг ўзи Англияга қайтишни истамаяпти.