«Бавария» ҳужумчиси Марио Манжукич жамоа устози Хосеп Гвардиоланинг ишига юқори баҳо берди.

«Пепнинг тактикалари жуда ажойиб. У футболчилар билан жуда яхши чиқишиб кетади ва ,ҳаттоки, ҳазил қилишга ҳам улгуради. Пеп жамоадаги ҳамма билан бирдек.

Мураббий менга ишонди ва мен бундан хурсандман. Унга миннатдорчилик билдириш учун қўлимдан келганича ҳаракат қиламан.

Тақвимнинг зичлиги мен учун муаммо эмас. Мен бундай ўйинларга бардош бера оламан.

Пеп ҳам бизнинг ўйинимиздан мамнундай кўринмоқда. Шундай ўйнашда давом этсак, бир кун келиб турнир жадвалини бошқарамиз»,- дейди ҳужумчи.