«Барселона» ҳимоячиси Даниэль Алвес собиқ жамоадоши Эрик Абидаль бетоб бўлган вақтида унга жигарининг бир қисмини берган ҳолда донорлик қилмоқчи бўлганини таъкидлади.
«Мен унга ёрдам бермоқчи эдим. Чунки мен бу инсонни ҳурмат қиламан, уни жуда қадрлайман. Оиласига ҳам ҳурматим баланд. Тўғри, агар мен донорлик қилсам, футболдан кетишим ҳам мумкин эди, лекин гап инсон ҳаёти ҳақида кетмоқда. Инсон ҳаёти ўртага қўйилган бўлса, футбол иккинчи планга тушиб қолади.
Худо сенга куч ва футболдан ташқарида яшашинг учун ҳамма нарса беради»,- дейди Алвес.
Хабарингиз бор, Алвес мавсум бошида ўзининг 2-рақамли формасини аввал Абидалга тегишли бўлган 22-рақамли футболкага алмашган эди.
