«Манчестер Юнайтед» бош мураббийи Майкл Кэррик «Ипсвич» устидан 5:2 ҳисобидаги ғалабадан сўнг жамоани қийин вазиятларни енгиб ўтиш қобилияти учун мақтади. Учрашув Англия чемпионатининг иккинчи тури доирасида ўтказилди.

«Якунда биз ҳақиқатан ҳам яхши ғалабага эришдик. Жуда яхши футбол намойиш этдик. Биринчи бўлиб гол ўтказиб юборганимиздан сўнг қийин вазиятга тушиб қолдик. Аммо бугунги энг муҳим жиҳат — йигитларнинг характери ва қийинчиликларни енгиб ўтиш қобилияти», — дея мураббийнинг сўзларини Sky Sports келтиради.

«Жамоанинг «Ипсвич» голига қандай муносабат билдиргани менга жуда ёқди. Ҳозир натижага қараб, бу ажойиб голлар урилган фантастик ўйин бўлганини айтиш осон. Аммо мени энг кўп хурсанд қилгани — йигитларнинг кайфияти, матонати ва ўзларига бўлган ишончи», — дея қўшимча қилди Кэррик.

«МЮ» 3 очко билан турнир жадвалида 10-ўринда бормоқда. 6 сентябрь куни жамоа сафарда «Эвертон»га қарши ўйнайди.