Мадриднинг «Реал» клуби дарвозабони Тибо Куртуа «Малага» устидан 4:0 ҳисобидаги ғалабадан сўнг жамоадаги муаммо ҳақида гапирди.
«Қаймоқранглилар» Жуд Беллингем, Килиан Мбаппе ва Арда Гюлернинг голлари эвазига ғалаба қозонди, яна бир марта меҳмонлар ўз дарвозасига гол уриб қўйди. Танаффусга жамоалар 3:0 ҳисобида чиқди.
«Менимча, иккинчи бўлимда унчалик яхши ўйнаганимиз йўқ — суръатни пасайтирдик ва рақибга тўп билан кўпроқ ўйнаш имконини бердик. Бу жиҳат устида ишлашимиз керак. 4:0 — ажойиб натижа, аммо суръатни пасайтирмай, иккинчи бўлимда ҳам ўз ўйинимиз билан мухлисларни хурсанд қилганимиз яхшироқ бўларди», — дея Куртуанинг сўзларини Madrid Xtra келтиради.
«Реал» Ла Лигада уч турдан сўнг 9 очко билан турнир жадвалида пешқадамлик қилмоқда.
