Madridning «Real» klubi darvozaboni Tibo Kurtua «Malaga» ustidan 4:0 hisobidagi g‘alabadan so‘ng jamoadagi muammo haqida gapirdi.
«Qaymoqranglilar» Jud Bellingem, Kilian Mbappe va Arda Gyulerning gollari evaziga g‘alaba qozondi, yana bir marta mehmonlar o‘z darvozasiga gol urib qo‘ydi. Tanaffusga jamoalar 3:0 hisobida chiqdi.
«Menimcha, ikkinchi bo‘limda unchalik yaxshi o‘ynaganimiz yo‘q — sur’atni pasaytirdik va raqibga to‘p bilan ko‘proq o‘ynash imkonini berdik. Bu jihat ustida ishlashimiz kerak. 4:0 — ajoyib natija, ammo sur’atni pasaytirmay, ikkinchi bo‘limda ham o‘z o‘yinimiz bilan muxlislarni xursand qilganimiz yaxshiroq bo‘lardi», — deya Kurtuaning so‘zlarini Madrid Xtra keltiradi.
«Real» La Ligada uch turdan so‘ng 9 ochko bilan turnir jadvalida peshqadamlik qilmoqda.
