«Олтин тўп»ни уч марта қўлга киритган Мишель Платини 2026 йилда ушбу соврин «ПСЖ» вингери Хвича Кварацхелияга насиб этиши керак, деб ҳисоблайди.

«Бу мураккаб масала, чунки ўн йил давомида Месси ва Роналду даврини кузатдик. Энди “Олтин тўп” учун кураш анча очиқ, буни ўтган йили ҳам кўрдик.

Шунинг учун номларни айтмайман, аммо бу рўйхатда энг сермаҳсул футболчи Килиан [Мбаппе], деб ўйлайман. Родри жамоаси учун жуда муҳим эканини кўрдик, у жаҳон чемпионатида ҳам ажойиб ўйнади. Энг иқтидорли футболчи — Ламин Ямал. Фабиан Руис эса мумкин бўлган барча совринларни қўлга киритди... Мана, тўрт нафар.

Аммо мен “ПСЖ” футболчиси Кварацхелияни афзал кўраман. У “ПСЖ” билан Чемпионлар лигасида ғолиб чиқди. Шунинг учун мен унга ишора қиламан, аммо у менинг мутлақ фаворитим, демаганман. Совринга муносиб бўлган тўрт ёки беш футболчи бор.

Килиан фантастик мавсум ўтказди, энг яхши тўпурар бўлди, аммо афсуски, одамлар “у ҳеч нарса юта олмади”, дейишади. Бошқалар эса кўп совринларни қўлга киритди, аммо энг яхши тўпурар бўла олмади», — деди Платини.