«Манчестер Юнайтед» Мадриднинг «Атлетико» клуби ҳужумчиси Александр Сёрлотни ўз сафига қўшиб олиш имкониятини кўриб чиқмоқда. Caught Offside маълумотига кўра, норвегиялик футболчининг вакиллари эҳтимолий битимга қизиқиш даражасини билиш мақсадида Англия клуби билан алоқага чиққан. Трансфер қиймати тахминан 30 миллион фунт стерлинг, яъни 35 миллион евро атрофида баҳоланмоқда.

30 ёшли Сёрлот Мадридни тарк этишга шошилаётгани йўқ, аммо муносиб таклиф тушса, фаолиятини бошқа клубда давом эттириш вариантини кўриб чиқишга тайёр. «Манчестер Юнайтед»дан ташқари, футболчига «Ньюкасл Юнайтед» ва «Ювентус» ҳам қизиқиш билдирмоқда.

«Манчестер Юнайтед» раҳбарияти ҳозирча якуний қарор қабул қилгани йўқ, бироқ трансфер ойнаси ёпилгунига қадар ҳужум чизиғини кучайтириш эҳтимолини истисно этмаяпти. Сёрлот Беньямин Шешко учун ротациядаги вариант ва қўшимча ҳужумчи сифатида кўриб чиқилиши мумкин.

Эҳтимолий трансфер йўлидаги асосий тўсиқ — нарх. «Манчестер Юнайтед» 35 миллион евро тўлашга тайёр эканига ишонч ҳосил қилмаган, шу боис клуб ижара вариантини ҳам муҳокама қилиши мумкин.

Кўп нарса Жошуа Зиркзеенинг келажагига боғлиқ бўлади. Агар нидерландиялик ҳужумчи «МЮ»ни тарк этиб, клубга катта миқдорда маблағ олиб келса, ушбу пулнинг бир қисми Сёрлот трансфери учун йўналтирилиши мумкин.