«Барселона» бош мураббийи Ҳанси Флик Ла Лиганинг 3-туридан ўрин олган «Райо Вальекано»га қарши учрашув учун 22 нафар футболчини қайдномага киритди.

Дарвозабонлар қаторига Жоан Гарсия, Войцех Шесни ва ёш Эдер Аллер киритилган. Ҳимоя чизиғидан Жоау Канселу, Алехандро Бальде, Пау Кубарси, Хави Эспарт, Андреас Кристенсен, Жерар Мартин, Жюль Кунде ва Эрик Гарсия жой олган.

Ярим ҳимояда Фермин Лопес, Педри, Родри, Дани Олмо, Марк Бернал ва Бриан Фариньяс Флик ихтиёрида бўлади.

Ҳужум чизиғига эса Ламин Ямал, Рафинья, Карим Адейеми, Энтони Гордон ва Ҳамза Абделкарим чақирилган.

Қайдномада Френки де Йонг, Гави ва Руни Барджи йўқ. Улар жароҳат сабабли жамоага ёрдам бера олмайди. Яқинда «Фенербахче»дан сотиб олинган дарвозабон Доминик Ливакович ҳам рўйхатга киритилмаган. Хорватиялик посбон 27 август куни «Барселона» билан 2030 йилгача шартнома имзолаган, аммо унинг Ла Лигада рўйхатдан ўтказилиши билан боғлиқ масала ҳал этилмаган.