«Аугсбург» «Бавария»нинг чап қанот вингери Арийон Ибрагимовични ўз сафига қўшиб олади. Бу ҳақда инсайдер Фабрицио Романо хабар берди.

Манба маълумотига кўра, томонлар бугун, 31 август куни 20 ёшли германиялик футболчининг ижараси бўйича келишувга эришган. Битимда Ибрагимовични кейинчалик сотиб олиш ҳуқуқи ҳам кўзда тутилган.

Футболчининг тиббий кўриги куннинг иккинчи ярмига режалаштирилган.

Ибрагимович 2018 йил июль ойидан буён «Бавария»га тегишли. У аввалроқ «Фрозиноне», «Лацио» ва «Хайденхайм» клубларида ижара асосида тўп тепган.

Ўтган мавсумда Ибрагимович «Хайденхайм» сафида 34 та учрашувда майдонга тушиб, 2 та гол урди ва 5 та голли узатмани амалга оширди.