«Монако» ярим ҳимоячиси Александр Головинни «Зенит»га 20 миллион евродан камроқ суммага сотиши мумкин. Бу ҳақда журналист Анар Ибрагимов хабар берди.
Қайд этилишича, француз клуби россиялик ярим ҳимоячининг эҳтимолий трансферига тўсқинлик қилмайди. «Монако» футболчининг сотувидан даромад олиш ва унинг йиллик 3,6 миллион евролик маошидан халос бўлишни истамоқда.
«Зенит» бош мураббийи Сергей Семак ва петербурглик клуб бошқаруви раиси Константин Зирянов Головин номзодини қўллаб-қувватламоқда ҳамда ўз позицияларини клуб раҳбариятига етказган.
Аввалроқ «Зенит» Головин учун Луис Энрике ва Нинони қўшимча пул билан таклиф қилгани ҳақида хабар берилган эди. Бироқ «Монако» ҳар икки вариантни ҳам рад этган.
