«ПСЖ»дан «Ливерпуль»га кўчиб ўтган ҳужумчи Брэдли Барколя Франция клуби ва унинг мухлислари билан хайрлашди. Футболчи «ПСЖ» сафида уч йил тўп тепди.
«Қадрли «ПСЖ» мухлислари! Мен сизларга жамоадан кетаётганимни маълум қилмоқчиман. Аммо аввало сизларга миннатдорчилик билдиришни истайман.
Илк бор майдонга тушган дақиқаларимданоқ мени қўллаб-қувватлаганингиз ва ёрдам берганингиз учун катта раҳмат. Ҳатто энг қийин дамларда ҳам мени олға интилишга ундадингиз.
Бу футболкани кийиш мен учун бахт ва ҳақиқий завқ эди. Мен бу билан доимо фахрланаман. Шунингдек, футболчи сифатида ўсишимга ёрдам берган ва анча ривожланишимга имкон яратган бош мураббий ҳамда унинг бутун штабига миннатдорчилик билдираман. Яна бир бор раҳмат, Париж!», — деди футболчи.
