Англиялик собиқ футболчи Гари Невилл Англия Премьер-лигасининг 2-турида «Арсенал»нинг «Астон Вилла»га қарши ўйини ҳақида ўз фикрларини билдирди.

Учрашув «канонирлар»нинг 1:0 ҳисобидаги ғалабаси билан якунланди. Баҳсдаги ягона голни 59-дақиқада Букайо Сака урди.

«Астон Вилла» кўплаб футболчиларини йўқотганидан кейин қайта қурилиш жараёнини энди бошламоқда. «Арсенал» учун эса бу жуда муҳим ғалаба бўлди. Рақиб дарвоза томон бирорта ҳам аниқ зарба йўллай олмади.

Жамоа сабрли, совуққон ва етук ўйнади. «Арсенал» баҳсни тўлиқ назорат қилди. Артета ўз жамоасининг бундай барқарор ўйинидан, албатта, мамнун бўлади», — деди Невилл Sky Sports эфирида.

Шу ғалабадан сўнг «Арсенал» янги АПЛ мавсумининг дастлабки икки турида 6 очко жамғарди.

«Астон Вилла» эса ҳозирча очко ололмаган.