«Челси» марказий ҳимоячиси Тосин Адарабиойо «Тоттенхэм»га ўтишга яқин турибди.

Журналист Дэвид Орнштейн маълумотига кўра, «шпорлар» 28 ёшли футболчининг трансфери бўйича «Челси» билан келишувга эришган. Бу ижара эмас, балки тўлиқ трансфер бўлади.

Англиялик ҳимоячининг ўзи ҳам трансферга розилик берган. Унга келишувни якунлаш учун тиббий кўрикдан ўтишга рухсат берилган.

Шунингдек, «Челси» вингери Михаил Мудрик ҳам худди шу йўналишда ҳаракатланиши кутилмоқда. Унинг «Тоттенхэм»га ижараси бўйича ҳам клублар ўзаро келишувга эришган.

Адарабиойо «Челси» сафида 2024 йил ёзидан буён тўп тепиб келмоқда.

Марказий ҳимоячи Лондон клуби таркибида барча мусобақалар доирасида 70 та учрашув ўтказиб, 7 та гол урган ва 1 та голли узатмани амалга оширган.