«Арсенал» бош мураббийи Микель Артета марказий ҳимоячи Кристиан Москеранинг ҳолати ҳақида фикр билдирди.
22 ёшли футболчи Англия Премьер-лигасининг 2-турида «Астон Вилла»га қарши ўйиннинг 79-дақиқасида мажбуран алмаштирилган эди. Учрашув «канонирлар»нинг 1:0 ҳисобидаги ғалабаси билан якунланди.
«Москера билан ҳаммаси жойида. Лекин у нимадир содир бўлиши мумкинлигини ҳис қилди. Шунинг учун уни Эзри Консага алмаштиришимизга тўғри келди», — деди Артета матбуот анжуманида.
Мураббийнинг сўзларини The Touchline келтирди.
Учрашувдаги ягона голни 59-дақиқада Букайо Сака урди.
«Арсенал» дастлабки икки турдан кейин 6 очко жамғарди. Амалдаги Англия чемпиони 6 сентябрь куни ўз майдонида «Челси»га қарши ўйнайди.
