«Болонья» Италия чемпионатининг 2-турида яна минимал ҳисобда мағлубиятга учради.

Жамоа биринчи турда «Лацио»га 0:1 ҳисобида ютқазган бўлса, бу сафар «Аталанта»га ҳам худди шу ҳисобда имкониятни бой берди.

«Болонья» бош мураббийи Доменико Тедеско ўйиндан кейин натижага муносабат билдирди.

«Бу билан муроса қилиш қийин. Ҳатто ҳисоб 0:0 бўлиб турганида ҳам бундай натижа мени қониқтирмаётган эди.

Бугун 80 дақиқа давомида жуда яхши ўйнадик, кейин эса мажбурий алмаштиришлар қилишимизга тўғри келди. Орсолини ноқулайлик ҳис қилди.

Осон бўлмади, аммо биз кўплаб вазиятлар яратдик. Фақат гол етишмади. «Лацио»га қарши ўйинда ҳам худди шундай бўлган эди.

Афсус. Бу икки учрашувдан кейин 0 очкода қолишимиз шунчаки ақл бовар қилмайди», — деди Тедеско.

Мураббийнинг сўзларини calcioatalanta.it келтирди.

Эслатиб ўтамиз, «Болонья» ўтган мавсум Италия чемпионатини 8-ўринда якунлаган.