«Наполи» ярим ҳимоячиси Андре-Франк Замбо-Ангисса Камерун миллий терма жамоасидаги фаолиятини якунлаганини эълон қилди.
Футболчи ижтимоий тармоқлар орқали хайрлашув мактубини эълон қилди.
«Камерун терма жамоасида ўйнаш — ҳар бир камерунлик боланинг орзуси. Мен бу орзуни амалга ошира олганимдан жуда бахтлиман ва, энг аввало, беқиёс даражада миннатдорман.
Камерун терма жамоасига кўп йил хизмат қилганимдан сўнг, халқаро фаолиятимни якунлашга қарор қилдим.
«Енгилмас шерлар» либосини кийиш мен учун улкан шараф ва чексиз фахр манбаи бўлди», — деди Ангисса.
Футболчининг сўзларини derbyderbyderby.it келтирди.
Эслатиб ўтамиз, Замбо-Ангисса Камерун терма жамоаси сафида 2017 йилдан буён тўп тепиб келган.
