Дортмунднинг "Боруссия" клуби вингер Жейдон Санчони жамоага қайтариш вариантини кўриб чиқмоқда. Бу ҳақда BILD нашри хабар берди.
Манба маълумотига кўра, агар Германия клуби Санчо билан шартнома имзолашга қарор қилса, футболчи имзо пулидан воз кечиши ва натижадорлигига кучли боғлиқ бўлган маош тизимига рози бўлиши керак.
Бундан ташқари, "Боруссия"да Санчонинг жисмоний ҳолати борасида ҳам хавотирлар мавжуд. Шу сабабли клуб футболчи бўйича ҳали якуний қарор қабул қилмаган.
26 ёшли англиялик футболчи ўтган ёзда "Манчестер Юнайтед"ни тарк этган ва айни пайтда эркин агент мақомида.
Санчо 2021 йилдан буён "қизил иблислар" сафида 83 та ўйинда майдонга тушиб, 12 та гол урган ва 6 та голли узатмани амалга оширган.
