Марказий ҳимоячи Тэйлор Харвуд-Беллис «Астон Вилла» билан шартнома имзолади. Футболчининг «Саутгемптон»дан Бирмингем клубига трансфер қилингани ҳақида «вилланлар» матбуот хизмати расмий сайт орқали хабар берди.

«Манчестер Сити» тарбияланувчиси «Астон Вилла» билан узоқ муддатли шартнома тузди. Миш-мишларга кўра, «Саутгемптон» ҳимоячи трансфери учун 35 миллион евро олган.

24 ёшли футболчи ўтган мавсум Чемпионшипда 41 та учрашувда майдонга тушиб, 7 та гол урди ва 3 та голли узатмани амалга оширди.

Аввалроқ «Астон Вилла» Франциянинг «ПСЖ» клубидан 18 ёшли вингер Ибраим Мбайени ҳам ўз сафига қўшиб олганини эълон қилган эди.