"Атлетико" ўз таркибини ҳали тўлиқ шаклланган деб ҳисобламаяпти ва трансфер ойнасининг сўнгги дақиқаларига қадар фаол ҳаракат қилиш ниятида.
Tribuna.com маълумотига кўра, "матрасчилар" "Лион" ҳимоячиси Николас Тальяфикони ўз сафига қўшиб олиш учун музокараларга жиддий киришган. Аргентиналик футболчи "Ювентус"нинг ҳам асосий трансфер мақсадларидан бири ҳисобланади.
Тальяфико Италия клуби билан анча илгарилаган музокаралар олиб борган. Бироқ унинг Туринга ўтиши ҳозирча тўхтаб турибди, чунки трансфер аввало Хуан Кабалнинг "Ювентус"ни тарк этишига боғлиқ.
34 ёшли аргентиналик ҳимоячи катта тажрибага эга ва чап қанотда ишончли ҳаракат қилади.
Жорий Лига 1 мавсумида Тальяфико ҳозирча битта расмий учрашувда майдонга тушиб, 80 дақиқа ҳаракат қилди.
