"Atletiko" o‘z tarkibini hali to‘liq shakllangan deb hisoblamayapti va transfer oynasining so‘nggi daqiqalariga qadar faol harakat qilish niyatida.

Tribuna.com ma’lumotiga ko‘ra, "matraschilar" "Lion" himoyachisi Nikolas Talyafikoni o‘z safiga qo‘shib olish uchun muzokaralarga jiddiy kirishgan. Argentinalik futbolchi "Yuventus"ning ham asosiy transfer maqsadlaridan biri hisoblanadi.

Talyafiko Italiya klubi bilan ancha ilgarilagan muzokaralar olib borgan. Biroq uning Turinga o‘tishi hozircha to‘xtab turibdi, chunki transfer avvalo Xuan Kabalning "Yuventus"ni tark etishiga bog‘liq.

34 yoshli argentinalik himoyachi katta tajribaga ega va chap qanotda ishonchli harakat qiladi.

Joriy Liga 1 mavsumida Talyafiko hozircha bitta rasmiy uchrashuvda maydonga tushib, 80 daqiqa harakat qildi.