«Осер» трансферлар ойнаси ёпиладиган сўнгги кунда «Саутгемптон» ҳужумчиси Кэмерон Арчерни таркибига қўшиб олишга уринмоқда.

24 ёшли футболчи «Осер» бош мураббийи Уилл Стилл билан аввалги ҳамкорлигини тиклаши мумкин.

Арчер янги клубида тиббий кўрикдан ўтиш учун Францияга борган. «Осер» аввал «Торино» ҳужумчиси Закария Абухилал бўйича музокараларни тўхтатганди.

Шунингдек, «Осер» «Манчестер Юнайтед» тарбияланувчиси Аксель Туанзебени ҳам таркибига қўшиб олишни режалаштирмоқда.

28 ёшли ҳимоячи «Бёрнли» билан шартномаси тугаганидан сўнг эркин агент мақомига эга.