Ўзбекистон Суперлигасида август ойининг энг яхши мураббийи соврини учун номзодлар рўйхати эълон қилинди.

Номзодлар орасида "Навбаҳор" устози Тимур Кападзе энг юқори натижани қайд этди. Унинг жамоаси август ойида 5 та ўйин ўтказиб, барчасида ғалаба қозонди. Тўплар нисбати — 13:4.

"Нефтчи" бош мураббийи Ислом Исмоилов қўл остидаги жамоа 5 та учрашувда 3 та ғалаба, 1 та дуранг ва 1 та мағлубият қайд этди. Фарғоналикларнинг тўплар нисбати 12:4 ни ташкил қилди.

"Бухоро" устози Александр Хомяков эса август ойида мағлубиятга учрамади. Жамоа 5 та баҳсда 3 марта ғалаба қозониб, 2 марта дуранг ўйнади. Тўплар нисбати — 11:5.

"Сўғдиёна" бош мураббийи Улуғбек Бақоев ҳам номзодлар сафидан жой олди. Жиззахликлар 5 та учрашувнинг 4 тасида ғалаба қозониб, 1 та мағлубият қайд этди. Жамоанинг тўплар нисбати 9:6 бўлди.