«Рома» ва Аргентина терма жамоаси ярим ҳимоячиси Пауло Дибала Лионель Мессининг миллий терма жамоадаги фаолиятини якунлаш ҳақидаги қарорини изоҳлади.
Футболчилар Аргентина терма жамоаси таркибида 2022 йил Қатарда бўлиб ўтган Жаҳон чемпионатида ғолиб бўлишган.
«Лео, сен билан шунча йил ва шунча лаҳзаларни бирга ўтказиш мен учун катта шараф.
Болалигимдан бери сен менга ўзингга ўхшашга интилиш учун илҳом бериб келгансан. Сенга ўхшаш позицияда ўйнаганим учун доимо сени кузатардим, сендан ўрганишга ва қилган ишларингнинг кўпини такрорлашга ҳаракат қилардим. Ҳатто сенга осондек туюлган нарсалар бошқалар учун деярли имконсиз эди...
Кейинчалик сен билан бир майдонда ўйнаш, сени яқиндан таниш ва бирга энг буюк орзуни амалга ошириш бахтига муяссар бўлдим.
Терма жамоамизга берган барча нарсанг учун раҳмат. Бу йўлни сен билан бирга босиб ўтганимдан фахрланаман, капитан», — деб ёзди Дибала Instagram’да.
