Бразилия футболи афсоналари Роналдо ва Роберто Карлос мамлакатнинг тарихий клубларидан бири — ҳозирда Бразилия футболида куч жиҳатидан учинчи лигада иштирок этаётган Лимейра шаҳрининг «Интер» клубини қутқариш учун куч ва сармояларини бирлаштирди.
1980-йилларда «Интер» Бразилиянинг иккинчи дивизионида ҳамда Сан-Паулу штати чемпионатида ғолиб чиққан. Эҳтимол, болалик хотиралари билан боғлиқ илиқ туйғулар собиқ футболчиларни 1913 йилда ташкил этилган клуб тақдирига бефарқ қолмасликка ундаган.
Роналдо ва Роберто Карлос клуб акцияларининг 80 фоизини сотиб олган инвесторлар консорциуми таркибига кирган.
Лойиҳа келгуси ўн йил давомида клубга 454 миллион Бразилия реали миқдорида сармоя киритишни назарда тутади. derbyderbyderby.it маълумотига кўра, бу тахминан 80 миллион АҚШ долларига тенг.
