«Монако» ҳужумчиси Фоларин Балогуннинг «Эвертон»га трансфери битимнинг сўнгги босқичида амалга ошмай қолиш хавфи остида қолди.
RMC Sport журналисти Фабрис Хокинс маълумотига кўра, АҚШ терма жамоасининг 25 ёшли футболчиси Англия клубида тиббий кўрикдан муваффақиятли ўта олмаган. Текширув натижалари сабаб трансфер энди амалга ошмаслиги мумкин.
Аввалроқ «Эвертон» ва «Монако» Балогуннинг трансфери бўйича барча шартларни тўлиқ келишиб олган эди. Англия клуби футболчи учун 45 миллион евро тўлаши, яна 5 миллион евро эса бонуслар кўринишида берилиши режалаштирилганди.
Балогун 2023 йил ёзидан буён «Монако» шарафини ҳимоя қилиб келмоқда. Унинг клуб билан амалдаги шартномаси 2028 йил ёзига қадар мўлжалланган.
