«Милан» ярим ҳимоячиси Юссуф Фофана фаолиятини Испания чемпионатида давом эттиради. Франциялик футболчи «Севилья» сафига қўшилди. Бу ҳақда Андалусия клуби матбуот хизмати хабар берди.

Томонлар жорий мавсум охирига қадар мўлжалланган ижара шартномасини имзолади. Келишувда футболчини кейинчалик сотиб олиш ҳуқуқи ҳам кўзда тутилган.

Аввалроқ Фофананинг фаолиятини «Лион»да давом эттириши кутилган эди, бироқ ушбу трансфер амалга ошмади.

Ўтган мавсумда ярим ҳимоячи 36 та ўйинда майдонга тушиб, 2 та гол урди ва 4 та голли узатмани амалга оширди.

Ла Лиганинг дастлабки уч туридан кейин «Севилья» 6 очко жамғариб, турнир жадвалида олтинчи ўринни эгаллаб турибди.