25 ёшли футболчи «Марсель»ни тарк этиб, Англия Премьер-лигасида «Кристал Пэлас» сафида тўп тепади. Бу ҳақда клуб матбуот хизмати хабар берди.
Transfermarkt маълумотларига кўра, Тимбер трансфери «бургутлар»га 20 миллион еврога тушган. Футболчи билан тузилган шартнома 2031 йил июнь ойи охирига қадар амал қилади.
Тимбер ўтган мавсумда Франция Лига 1 чемпионатида 15 та учрашувда майдонга тушиб, 5 та сариқ карточка олган. Ушбу баҳсларда натижавий ҳаракатлари билан ажралиб турмаган.
Квинтен Тимбер «Арсенал» ҳимоячиси Юррьен Тимбернинг эгизак ака-укаси ҳисобланади.
