«Наполи» ҳимоячиси Жованни ди Лоренцо клуб билан янги меҳнат шартномасини имзолади. Бу ҳақда таниқли журналист Николо Скира хабар берди.

Манбага кўра, 33 ёшли италиялик футболчининг «Наполи» билан янги шартномаси 2030 йилгача мўлжалланган. Клуб томонидан расмий эълон 2 сентябрь, чоршанба куни берилиши кутилмоқда.

Ди Лоренцо 2019 йил июль ойидан буён неаполликлар сафида тўп тепиб келмоқда. У янги мавсумда Италия чемпионатининг 2 та учрашувида иштирок этди ва натижавий ҳаракат қайд этмади.

5 сентябрь куни «Наполи» сафарда «Интер»га қарши баҳс олиб боради. А Сериянинг 3-тур учрашуви Тошкент вақти билан 22:00 да бошланиши керак.