«Селтик» «Вулверхэмптон» дарвозабони Сэм Жонстонни бир мавсумга ижарага олганини расман эълон қилди.

33 ёшли Англия терма жамоаси посбони энди «Селтик» дарвозабонлар чизиғида Вильями Синисало ва Росс Дуэн билан рақобат қилади.

Шотландия клуби Жонстоннинг Англия футболида тўплаган катта тажрибасини алоҳида таъкидлади. Дарвозабон профессионал фаолиятини 2011 йилда «Манчестер Юнайтед»да бошлаган.

Жонстон сўнгги икки мавсумни «Вулверхэмптон» сафида ўтказди. У ўтган мавсумда жамоа таркибида 17 та учрашувда майдонга тушган.

Шунингдек, дарвозабон Англия миллий терма жамоаси сафида 4 та ўйин ўтказган ва уларнинг барчасида ўз дарвозасидан гол ўтказмаган.

«Селтик» тажрибали посбоннинг келиши жамоанинг дарвозабонлар чизиғида рақобатни янада кучайтиришидан умид қилмоқда.