«Депортиво Ла-Корунья» «Атлетико» ҳимоячиси Хосе Хименесни 2027 йил июнига қадар ижарага олганини эълон қилди. Келишувда ижара муддати якунида футболчини сотиб олиш имконияти ҳам кўзда тутилган.
31 ёшли уругвайлик футболчи «Атлетико» сафида Ла Лигада 270 та ўйин ўтказиб, 6 та гол урган ва 9 та голли узатмани амалга оширган. Шунингдек, унинг ҳисобида Чемпионлар лигасида 69 та ўйин ва Уругвай терма жамоаси сафида 99 та учрашув бор.
Хименес фаолиятини «Данубио»да бошлаган, кейин «Атлетико»га ўтган. Мадрид клуби сафида у Испания чемпиони бўлган, Европа лигаси, Испания Суперкубоги ва УЕФА Суперкубогини қўлга киритган.
