«Чикаго Файр» ҳужумчиси Роберт Левандовски Жозе Моуринью бошчилигидаги янги «Реал» жорий мавсум унинг собиқ жамоаси «Барселона» учун жиддий рақиб бўлиши мумкинлигини айтди.

Польяк футболчининг фикрича, Мадрид клуби янги трансферлар ва Моуриньюнинг келиши ҳисобига анча кучайган.

«Ҳозир «Реал» янги футболчилар ва Жозе Моуринью билан янада кучли. Менинг ҳис қилишимча, икки йил давомида ҳеч нарса ютмаганидан кейин уларнинг руҳияти жуда муҳим аҳамият касб этади. Бу мавсумда улар жуда кучли бўлиши мумкин. Аммо мен ҳар доим «Барселона» тарафдаман», — деди Левандовски.

Испаниянинг икки гранди жорий мавсумни муваффақиятли бошлади. «Реал» ҳам, «Барселона» ҳам Ла Лиганинг дастлабки учта учрашувида ғалаба қозониб, максимал очко жамғарган.

Левандовскининг фикрича, Моуриньюнинг қайтиши ва таркибдаги янгиланишлар Мадрид клубини яна чемпионлик учун асосий даъвогарлардан бирига айлантирган.