«Лилль» президенти Оливье Летанг клубни тарк этган ҳимоячи Тома Меньенинг айбловларига жавоб қайтарди.

«Томас Менье менинг қарорим туфайли клубда қолмаганини айтди. Шунинг учун унга кичик бир салом йўлладим. Агар сен «Лилль»даги энг юқори маошдан тўрт баравар кўпроқ маош сўрасанг, мен қандай жавоб беришим мумкин, деб ўйлайсиз? Албатта, йўқ. Бунинг иложи йўқ.

Мен уни сақлаб қолишни истардим, аммо бундай имкониятим йўқ эди. Чунки мен амал қилишим керак бўлган аниқ молиявий чегаралар бор ва улардан чиқишни истамайман», — дея Летангнинг сўзларини келтиради Canal+.

34 ёшли бельгиялик футболчи шу ёзда эркин агент сифатида «Сандерленд»га ўтди.

Жорий мавсумда Менье Англия Премьер-лигасида 2 та учрашувда майдонга тушди.