«Бавария» бош мураббийи Венсан Компани Германия кубоги доирасида «Оснабрюк» устидан 4:1 ҳисобида қозонилган ғалаба ҳақида фикр билдирди.

Иккинчи Бундеслига вакили бўлган «Оснабрюк» учрашувнинг 5-дақиқасида ҳисобни очди. Аммо мюнхенликлар кейинчалик Харри Кейннинг дубли, Том Бишоф ва Майкл Олисeнинг голлари эвазига ишончли ғалабани қўлга киритди.

«Кучли рақибга қарши оғир сафар учрашуви бўлди. «Оснабрюк» ўйин бошида жуда чиройли гол урди, аммо биз бутун учрашув давомида хотиржамликни сақлаб қолдик. Бу яхши ғалаба бўлди», — деди Компани.

«Бавария» Германия кубогининг амалдаги ғолиби ҳисобланади. Жамоа ўтган мавсум финалида «Штутгарт»ни 3:0 ҳисобида мағлуб этган эди.