Карло Анчелоттининг ўғли Давиде мураббийлик сирларини отасидан ўрганишга ҳаракат қилаётганини айтди. Унинг фикрича, Карло Анчелоттини бошқа мутахассислардан ажратиб турадиган энг муҳим жиҳат — вазиятга ва футболчиларга мослаша олиш қобилияти.
«Отамнинг энг катта кучи шунда эдики, у қўлидаги футболчиларга мослаша оларди ва футболнинг ўзи билан бирга ривожланиб борарди. Бу — ундан олган энг муҳим сабоғим. Мураббий хамелеон каби бўлиши керак», — деди Давиде Анчелотти.
Айни пайтда Анчелоттининг ўғли Франциянинг «Лилль» клубини бошқармоқда. Унинг отаси Карло Анчелотти эса Бразилия миллий терма жамоаси бош мураббийи сифатида фаолият юритмоқда.
