«Монако» бош мураббийи Филипе Луис ярим ҳимоячи Ламин Камаранинг «Челси»га амалга ошмай қолган трансфери унга руҳий жиҳатдан таъсир қилган бўлиши мумкинлигини тан олди.

«Эҳтимол, бу вазият унга таъсир қилгандир. Аммо у жуда алоҳида йигит ва ажойиб инсон. У билан ишлаш осон.

Футбол олами Ламинни яхши билади. Унга бошқа клублар ҳам қизиқиш билдирмоқда. Агар у шу даражада ўйнашда давом этса, унинг ортидан битта эмас, бир нечта топ-клуб келади», — деди Филипе Луис.

Мураббий Камара 4 сентябрь куни «ПСЖ»га қарши учрашувда майдонга тушишини ҳам тасдиқлади.

Шунингдек, сенегаллик футболчи «Монако»нинг вице-сардорларидан бири этиб тайинланган.

22 ёшли Камара ўтган мавсумда 31 та учрашувда майдонга тушиб, 3 та гол урди ва 4 та голли узатмани амалга оширди.