«Эвертон» ярим ҳимоячиси Жеймс Гарнер Лондоннинг «Челси» клубига қизиқ бўлган.
talkSPORT хабар беришича, трансфер ойнаси ёпилишидан олдин «кўклар» 25 ёшли футболчини ўз сафига қўшиб олишга уринган. Лондонликлар Гарнер учун 75,4 миллион евро тўлашга тайёр бўлган. Бироқ «Эвертон» трансфер ойнаси ёпилишига жуда оз вақт қолгани сабабли бундай таклифларни кўриб чиқишдан бош тортган.
«Эвертон» Гарнерни 2022 йилда «Манчестер Юнайтед»дан 10 миллион евродан кўпроқ маблағ эвазига сотиб олган. Ярим ҳимоячи янги мавсумда учта учрашувда майдонга тушди, аммо натижали ҳаракат қайд этмади.
Гарнернинг «Эвертон» билан амалдаги шартномаси 2030 йилгача мўлжалланган.
