«Манчестер Сити»нинг собиқ футболчиси Жоу Бартон яна қонун билан боғлиқ муаммога дуч келди. Гап март ойида содир бўлган воқеа ҳақида кетмоқда. Ўшанда у гольф клуби яқинида бир кишини калтаклаган эди. Маълум қилинишича, воқеадан олдин Бартон кейинчалик жабрланувчига айланган шахс билан спиртли ичимлик истеъмол қилган.
Бартон гаров пули тўлаб, озодликка чиқишга умид қилган. Бироқ derbyderbyderby.it маълумотига кўра, судьялар бу масалада бошқача фикрда.
Манба таъкидлашича, суд Бартонни жамият учун хавфли ва такроран қонунбузарлик содир этган шахс сифатида баҳоламоқда. Шу сабабли уни ҳозирча панжара ортида сақлаш маъқул деб топилган.
Навбатдаги суд мажлиси 2027 йил 8 март кунига белгиланган.
Фақат шундан кейингина Бартонда озодликка чиқиш учун яна бир имконият пайдо бўлиши мумкин. Бироқ унинг бу борадаги имкониятлари ҳозирча анча мавҳум кўринмоқда.
