«Ливерпуль» бош мураббийи Андони Ираола Премьер-лига мавсуми бошидаги жамоанинг кайфияти ҳақида гапирди. «Ливерпуль» дастлабки икки турда ҳам дуранг ўйнаган.
— Ҳали бирорта ҳам ғалаба қозона олмаганингиздан хафамисиз?
— Ҳа, албатта. Ғалаба қозона олмасангиз, хафа бўласиз. Бу ишимизнинг бир қисми. Ўйлайманки, ҳозирча атиги иккита учрашув ўтказдик, аммо мен ғалаба қозонишни хоҳлайман. Мен ғалаба қозонишим керак ва эртага «Ипсвич»га қарши ўйинда ҳам шу мақсадда ҳаракат қиламиз.
Менимча, трансфер ойнаси, мураккаб вазиятлар ва гўё виртуал маконда кечаётгандек бўлган жараёнлар нуқтаи назаридан сўнгги икки ҳафта мен учун энг қийин давр бўлди. Ҳозир, ростини айтсам, ўзимни анча хотиржам ҳис қиляпман. Трансфер ойнаси ёпилганидан кейин ким эканимизни аниқ биламиз. Ўйлайманки, таркибимизда иқтидорли футболчилар кўп ва энди ўзимизни кўрсатишимиз керак. Биз ўз ишимизни қилишимиз ва буни эртанги кундан бошлашимиз керак, — дея Ираоланинг сўзларини «Ливерпуль» расмий сайти келтирди.
