«Милан» яримҳимоячиси Уоррен Бондо жамоада қолиб, асосий таркибдаги ўрни учун курашишга қарор қилди.
Бу ҳақда таниқли трансфер инсайдери Фабрицио Романо маълум қилди. Бондони трансфер ойнаси сўнгги куни Туркия, Саудия Арабистони ва Қатар клубларига сотиш бўйича музокаралар олиб борилган, аммо томонлар келишувга эриша олмаган.
Шу сабабли 22 ёшли франциялик футболчи ҳозирча «Милан»да қолишга қарор қилган. Романонинг таъкидлашича, футболчи жамоадаги ўрни учун курашмоқчи, бироқ трансфер ойнаси очиқ бўлган чемпионатлардан муносиб таклиф тушса, унинг кетиши ҳали ҳам содир бўлиши мумкин.
Бондо «Милан» сафида бор-йўғи 164 дақиқа майдонга тушган, ўтган мавсумни эса «Кремонезе»да ижарада ўтказган.
