"Милан" ҳимоячиси Фикайо Томори ёзги трансфер ойнаси ёпилганидан сўнг "россонерилар" таркибига қайтди.

28 ёшли инглиз футболчиси бу ёзда жамоани тарк этиши мумкин эди, чунки унинг шартномаси келаси йили тугайди ва "Милан" футболчидан пул ишлашни истаган эди. Хусусан, Томори "Ювентус" ва Премьер-лиганинг иккита клубига таклиф қилинган эди.

Италияликлар Фикайони 2021 йил июль ойида олти ойлик ижарадан сўнг "Челси"дан 35,3 миллион евро эвазига сотиб олишди. Ўтган мавсумда у клуб сафида 37 та ўйинда учта голли узатмани амалга оширди. Томори бу мавсумда ҳали ўйнамаган.