ФИФА АҚШ судидан УЕФАнинг FIFA Forward Enterprise лойиҳаси билан боғлиқ ҳужжатларни очиб бериш ҳақидаги талабини рад этишни сўради. Бу ҳақда The Athletic хабар берди. Нашр қўлига ФИФА томонидан Нью-Йорк судига тақдим этилган материаллар келиб тушган.
Аввалроқ УЕФА Жаҳон чемпионатига бўлган ҳуқуқларнинг бир қисмини хусусий инвесторларга сотиш эҳтимоли билан боғлиқ ҳужжатларни тақдим этишни талаб қилган эди. Европа ташкилоти ушбу талабни ФИФА президенти Жанни Инфантинонинг эҳтимолий жиноий иши билан боғлаган.
ФИФА УЕФАнинг ҳаракатларини ташкилот ва унинг раҳбариятига қарши кампаниянинг бир қисми деб ҳисобламоқда. Федерация шунингдек, ҳозирча бундай жиноий иш мавжуд эмаслиги ва УЕФА уни бошлаш ваколатига эга эмаслигини таъкидлади.
Бундан ташқари, ФИФА УЕФАни лойиҳани амалга оширишга тўсқинлик қилишга уринишда айблади. Ташкилот фикрича, кичик футбол ассоциацияларига қўшимча маблағ ажратилиши ривожланаётган мамлакатлар рақобатбардошлигини ошириши ва Европа футболи таъсирини сусайтириши мумкин.
