"Атлетико" бош мураббийи Диего Симеоне ҳужумчи Хулиан Альвареснинг жамоадаги ҳозирги ҳолати ва келажаги ҳақида фикр билдирди.
Аргентиналик мутахассис футболчининг олдида янги имконият пайдо бўлганини таъкидлади.
"Мен учун ҳаёт имкониятларга тўла. Ҳозир Хулианда ҳам шундай имконият бор", — деди Симеоне.
Мураббий одамларни доимий баҳолаш ва танқид қилишдан кўра, тажрибадан сабоқ чиқариш муҳимлигини ҳам қайд этди.
"Биз кўпинча ҳаётимизни бошқаларни баҳолаш билан ўтказамиз. Балки буни камроқ қилиб, кўпроқ ўрганишга эътибор қаратишимиз керакдир. Умид қиламан, бу воқеа Хулиан учун яхши сабоқ бўлди.
У бахтли бўлишини истайман. Футре кеча унга жуда чиройли видеода айтганидек, умид қиламанки, у бу бахтни голлар уриш орқали ҳам кўрсатади", — деди Симеоне.
