Ўзбекистон U-20 терма жамоаси 2027 йилги Осиё кубоги саралаш босқичида муваффақиятли иштирок этмоқда. Юртимиз мезбонлик қилаётган "B" гуруҳида икки турдан сўнг Жамолиддин Раҳматуллаев шогирдлари максимал 6 очко билан якка пешқадам бўлиб турибди.

Вакилларимиз биринчи турда Бангладешни 2:0 ҳисобида мағлуб этган бўлса, иккинчи учрашувда Ҳиндистон дарвозасига жавобсиз тўртта тўп киритди — 4:0. Шу тариқа, Ўзбекистон икки ўйинда 6 та гол уриб, ҳозирча ўз дарвозасидан тўп ўтказиб юборгани йўқ.

Икки турдан кейин Сурия ва Ҳиндистон 3 тадан очко жамғарган. Бангладеш эса ҳали очко олгани йўқ. Суриянинг тўплар нисбати 3:1, Ҳиндистонники 1:4, Бангладешники эса 0:5 кўринишида.

Энди Ўзбекистон U-20 саралашнинг сўнгги турида Сурияга қарши майдонга тушади. Учрашув 6 сентябрь куни соат 19:00 да "Дўстлик" стадионида ўтказилади. Вакилларимизга ушбу баҳсда ғалаба ёки дуранг гуруҳда биринчи ўринни ва Осиё кубоги финал босқичи йўлланмасини кафолатлайди.