"Тоттенхэм" бош мураббийи Роберто Де Дзерби Ришарлисонни Англия Премьер-лигаси учун жамоа қайдномасига киритмаслик қарори унга тегишли эмаслигини айтди.

Аввалроқ 29 ёшли ҳужумчи "Тоттенхэм"нинг АПЛда иштирок этиши мумкин бўлган футболчилари рўйхатига киритилмагани маълум бўлган эди. Шунингдек, бразилиялик футболчи "Трабзонспор" билан музокара олиб бораётгани хабар қилинган.

"Бу менинг қарорим эмас.

Менимча, бу табиий қарор. Ришарлисоннинг ўзи шундай қарор қабул қилди. У мавсумолди тайёргарлик бошида мен билан гаплашиб, кетишни хоҳлаётганини аниқ айтди.

Энди биз бошқа ҳужумчини жалб қиламиз. Мавсумолди тайёргарлик бошида айтганимдек, мен фақат жамоада қолишни чин дилдан истайдиган футболчиларни сақлаб қолмоқчиман. Қолган масалалар менинг ишим эмас, бу клубнинг масъулияти.

Мен ҳеч нарса дея олмайман, чунки бу қарорни мен қабул қилмадим. Ришарлисоннинг мавсум бошидан берган сигнали жуда аниқ эди. Мен буни қабул қилдим ва бошқа қўшимча гапим йўқ", — деди Де Дзерби.

Ришарлисон ўтган мавсум АПЛда 32 та учрашувда майдонга тушиб, 11 та гол урган ва "Тоттенхэм"нинг энг яхши тўпурари бўлган.